Poems And Songs Of Robert Burns: On Tam The Chapman

On Tam The Chapman

As Tam the chapman on a day,
Wi'Death forgather'd by the way,
Weel pleas'd, he greets a wight so famous,
And Death was nae less pleas'd wi' Thomas,
Wha cheerfully lays down his pack,
And there blaws up a hearty crack:
His social, friendly, honest heart
Sae tickled Death, they could na part;
Sae, after viewing knives and garters,
Death taks him hame to gie him quarters.

Back to chapter list of: Poems And Songs Of Robert Burns